OSL - DOH - SGN - KUL - KBV - BKK - DOH - OSL

[ghostern]

Dette er min første trip-report her på sida, og dessverre utan bilete. Men sidan det var ein såpass lang tur, og med så mange forskjellige flyselskap involvert, tenkte at eg det var informativt med ein TR likevel. Eg tenkte å ta ein rask gjennomgong av turen først, og så gå meir detaljert inn på sjølve flyetappane etterpå So, here goes:

Tidleg i haust begynte eg og madamen å tenke på ein tur til Asia i desember. Eg skulle forsvare masteroppgåva tidleg i desember, og ho var ferdig med praksisdelen av sin PPU-utdanning, så vi hadde begge nokre veker fri før julefeiring.

Planar vart utforma, og visa-kortet henta ut av lommeboka. Vi fekk bestilt tur Oslo - Doha - Saigon med Qatar Airways, som første del av turen, der vi skulle tilbringe fire dager.

Dette gjekk heilt utmerka, og vi vandra rundt i byen, besøkte krigsmuseet og spiste forskjellige smårettar langt gatene i Ho Chi Minh.

Etter nokre dagar her gjekk ferden vidare til Kuala Lumpur med Malaysia Airlines. Dette var mest tenkt som ein stopover på ferden til Krabi i Thailand, men pga dårlege connections, bestemte vi oss for å ta eit døgn her, som vart tilbragt på Le Meridien rett ved sentralstasjonen. Dette var eit meget effektivt valg, sidan vi då brukte tre minutt frå toget til vi kunne sjekke inn på hotellet.

Etter ein liten halvtimes kvil på senga, så bar turen ut til sentrum av Kuala Lumpur, der vi mest vandra gatelangs for å sjå mest mogleg på den kvelden vi hadde til rådighet. Nokre bilete av Petronas Towers vart knipsa, og madamen var ivrig på å knipse bilete av alle julelysa som dei hadde pynta forskjellige tre og restaurantar med i denne byen. Artig.

Natta kom fort, og neste dag bar det vidare til Krabi. Denne etappen var det Air Asia som stod for, og flashbacka til Ryanair-flighten vi hadde i desember i fjor frå Rygge til Dublin kom fort. Uansett, flyet tok av, fløy, og landa i Krabi. Ein kort buss- og longboat-tur seinare var vi framme på Railay Beach. Ei veke på Railay Beach Resort & Spa var rett og slett fantastisk deilig. Når eg skal ha strandferie, vil eg ha minst mogleg bråk og mas, og mest mogleg sol og god mat. Det fekk vi her.

I slike omgivelser går dessverre tida alt for fort, så etter ei veke måtte vi pakke saman, og vende nasa heimover. Først bar det til Bangkok med Thai Airways, før Qatar Airways tok oss siste etappe heim til jul.


Det var ei oversikt, så no tenkte eg å skrive litt meir om dei forskjellige flightsa.


FLIGHT 1: QR954, A330-200
OSL - DOH
06.des 2011 15:00

Første flight skulle altså ta oss frå Oslo til Doha. Sidan det ikkje var mogleg å få nødutgongseter når vi sjekka inn, bestemte vi for å ta oss ein tre-seter i midten bak i flyet, og sjølv om økonomi var nest heilt fullt, var ein av dei få setene som var ledig på vår tre-seter. Ein god start. Hyggelege CA gjorde ting betre, og i tillegg var maten overraskande velsmakande for å vere flymat. Vi gjekk begge for ein vegetarrett, som var ein slags purê av grønsaker.

Sidan det var ein dagflight, så gjekk resten av turen med til å sjå eit par filmar, og det føltes ikkje som lange tida før flyet tok i bakken på Doha International Airport. Som dei fleste her sikkert er kjent med, får ein med ein konvolutt rundt billettane sine, som har ein gitt farge avhengig av kor ein skal vidare. Første terminal vi kjem til er "blå", som er ankomstterminal, og her kjem ei hyggelig dame om bord og seier at dei med "blue pass should enter this terminal". Derpå ein full nordmann i 20 åra roper tilbake på norsk at "jeg har et rødt pass", og refererer til sitt norske pass. Flaut.


FLIGHT 2: QR616, 777-300ER
DOH - SGN
07.des 2011 01:20

Uansett, så kjem både vi og den fulle herremannen fram til den "gule" terminalen, som tar seg av transfer-pax. Sidan vi skal igjennom eit ny sikkerhetskontroll, er det boarding rimeleg rett etter at vi er ferdig med dette.

Inn i dette flyet har vi setene 20A og 20B, og her får vi ein passasjer ved sidan av oss, men sidan flyet var fullt, var det ikkje mykje anna å forvente. Etter take-off, så får vi ein enkel sandwich og noko drikke, samt eit klistremerke som vi kan klistre på seteryggen. Dette for å vise om vi vil bli vekket når det er matservering, eller om vi vil sove igjennom maten. Sidan eg har ei meget høg forbrenning, så likar eg å ete når eg kan, så eg klistra på "wake me for meals" på min seterygg. Men til min "skuffelse", så våknar eg på mellomlanding i Bangkok utan å ha fått mat. Men det at vi straks er framme, tek seg av denne skuffelsen. Etter at dei som berre skulle til BKK har gått av, og nokre frå sjeler som har tenkt seg frå BKK til SGN kjem på, tek vi av igjen for dei siste kilometerane til Ho Chi Minh.

Eg søv som regel dårleg på fly, men gode seter og god beinplass på flya til QR gjorde at eg fekk litt blund på auga. Det vart ikkje ei fullgod natt søvn, men nok til at eg kom meg greit igjennom dagen i Vietnam.


FLIGHT 3: MH751, 737-800
SGN - KUL
11.des 2011 11:00

Etter nokon dagar i Vietnam bar det som sagt vidare til KL. Denne flighten gjekk med Malaysia Airlines. Ein kort taxitur frå hotellet i Saigon, der sjåføren elegant manøvrerte seg mellom alle mopedistane, kom vi til flyplassen. Denne var liten og enkel, og innsjekken gjekk fort og smertefritt, slik at vi kunne rusle bort til gate, og vente på flyet. Ein rask boarding seinare, og vi kunne sette nasa mot hovudstaden i Malaysia. Flyet var nytt og fint, som hos Qatar, og det var ein fin flight med hyggelege CA.

Problemet derimot oppstod når vi kom fram. Når vi skulle gjennom immigrasjonen, stilte vi oss opp i køa som alle andre, berre for å oppdage at når vi kom fram, hadde ikkje flyselskapet gitt oss "immigrasjonspapir", slik at eg vart nødt til å gå ut av køa for å hente meg ein slik lapp for å skrive på kva mitt formål med turen var osv. Dama derimot, fekk ein lapp av immigrasjonsoffiseren, og kunne skrive på det der, og derved sleppe å gå tilbake for å hente lapp. Var det nokon som sa likestilling ?

Uansett, tilslutt kom vi oss ut, og alt i alt var det ein bra flyopplevelse å fly Malaysia Airlines.


No merkar eg at batterien på PCen nærmar seg slutt, så eg får ta resten seinare.

[ghostern]

Okay, eg fann eit strømuttak her på Flesland, og kan likegodt skrive ferdig medan eg ventar på flyet mitt.


FLIGHT 4: AK804, A321
KUL - KBV
12.des 2011 13:30

Denne flighten var den einaste med eit lavprisselskap, men sidan Air Asia har vunnet så mange priser, så rekna eg med at det var ganske greit likevel. Etter turen vil seie både ja og nei på det.

For det første, så ser lavpristerminalen ut som eit skur, men det er forsåvidt greit. Det som var verre, var at det var knapt mogleg å få auge på innsjekkingsautomatane. Men vi fekk no det til på eit vis, og kunne stille oss i bag-drop. Eit navn som ikkje heilt står til virkeligheten, for det er ikkje berre å "droppe bagen", for dei tre-fire personane foran i køa klarte iallefall å bruke gode 20-30 minutt før vi fekk "droppa vår bag".

Men herifrå og inn var det ein positiv opplevelse. Vi kom raskt igjennom sikkerhetskontroll, boarding gjekk kjapt, og flyet var bortimot heilt nytt. Så då gjekk det greit at vi var 15 minutt etter skjema ut frå KUL. Denne tida tok vi derimot igjen i lufta, og vi landa på KVB på tida. I tillegg var fekk vi på denne flighten faktisk utdeling immigrasjonskort, og dermed gjekk immigrasjonen på flyplassen i Krabi som ein leik. Vi kunne i tillegg smile litt av ein spanjol som var litt stressa over at han fekk lov til å vere i landet i 30 dagar når han jo berre skulle vere der i tolv!


FLIGHT 5: TG246, A300-600
KBV - BKK
19.des 2011 16:00

Etter å ha tatt ein taxi som såg ut som om den kom rett ifrå "Fast and the Furious", ankom vi flyplassen, og kunne sjekke inn på flyet til Bangkok. Saman med Airbus A330 og Boeing 777, var dette det tredje nye bekjentskapet for min del på denne turen, som eg såg på som ein fin bonus på toppen av ein flott ferie. Madamen såg ikkje heilt kvifor dette skulle vere så spesielt men men.

Uansett, vi kom oss ombord på flyet, som hadde farger som enkelte nok kan vere litt skeptiske til, men eg må innrømme at eg har sanser for designet som Thai Airways har gått for. Flighten gjekk utan problem. Vi fekk ein sandwich, og flyet måtte ta ein liten strafferunde pga stor trafikk rundt BKK. Men sidan vi hadde mange timer å slå ihel før siste flight heim, så gjorde det meg ingenting å snurre litt rundt oppe i lufta.


FLIGHT 6: QR609, 777-300ER
BKK - DOH
20.des 2011 02:00

Som sagt, så var det god tid mellom avgongane i Bangkok, sidan vi ikkje hadde ein beskytta overgang. Men flyplassen i Bangkok er stor og moderne, så vi fekk tida til å gå med å ete litt, lese litt og bruke opp det som var igjen av baht på tax-free (den siste aktiviteten var det dama som var flinkast på )

Omsider bikka klokka 01:00, og vi kunne boarde flyet som skulle ta oss ut på første etappe av heimreisa. Det klarte QR609 med bravur. Igjen hyggelege CA, god mat i form av ein småsterkt indisk vegetarrett (denne gongen våkna eg) og ein god blund på auget gjorde at vi rimeleg raskt var framme i Doha, og kunne begynne på same prosedyre som på utreise.


FLIGHT 7: QR953, A330-300
DOH - OSL
20.des 2011 08:00

Vi ankom Doha rundt 05:15, og hadde dermed omkring to timar til boarding. Etter ei natt i Y på eit fly, er ein ikkje veldig frisk og rask, så desse to timane vart tilbrakt i ein stol.

Klokka sju på morgonen rusla vi bort til gate, og vart bussa ut til flyet som skulle ta oss til Oslo. Dette flyet var, som det første på heile turen, relativt tomt (kanskje halvfullt i økonomi), og det gjorde at det var ledige seter både bak oss og på sida av oss. Det kunne vi ikkje klage over, skjønt eg håper jo at QR tener pengar på Oslo-ruta, sidan denne er meget gunstig for turar til Asia og Australia etter mi meining.

Uansett, vi tok av, spiste ein rett som var rimeleg lik retten på QR609, og tilbrakte resten av tida med å sjå eit par filmar kombinert med å duppe av innimellom.

Fram kom vi på tida, og etter å ha kome igjennom passkontrollen, kunne vi igjen sette beina på norsk jord. Dog hadde tydelegvis Gardermoen bestemt seg for å gjere denne prosessen litt raskare, med å sette igong brannalarmen når vi kom til bagasjebandet. Så då var det ikkje mykje anna å gjere enn å rusle ut av bygget. I det same sekund som vi forlot ankomsthallen, var alarmen over, og vi kunne få stille oss opp i kø for å kome inn igjen for å hente bagasjen. Skjønt, ein slik liten bagatell øydela ikkje for det som må seiast å vere ein kjempeflott tur!

[ghostern]

Håper dette er grei lesning, og så skal eg prøve å få tatt nokre bilete av flyturen neste gong!

[Fnate]

Takker for fin rapport. Du får med deg det vesentligste. Fint med rapporter fra litt nye selskap også.

[FlyboyKarsten]

Fin rapport veldig bra skrevet. Liker når det er fra andre selskaper og steder i verden, kult synes jeg da! Men takker og bukker for bra rapport

[HS-TLD]

Flott skrevet rapport - takk skal du ha

Krabi er et flott område, og skal trolig besøkes ved neste anledning, dvs. i jan/feb.

...Etter å ha tatt ein taxi som såg ut som om den kom rett ifrå "Fast and the Furious"...

Ja, det finnes noen (les: mange...) av de der nede...greit nok for en kort tur til f.eks. flyplassen, så lenge de ikke kjører som i filmen...

[hanswest]

Flott rapport!

[ghostern]

Takk for flotte tilbakemeldingar!

Originally Posted by HS-TLD

Ja, det finnes noen (les: mange...) av de der nede...greit nok for en kort tur til f.eks. flyplassen, så lenge de ikke kjører som i filmen...

Hehe, joda. Han køyrde relativt snilt, bortsett frå at han følte vi fortjente å kjenne akselerasjonen bilen var god for eit par gongar. Men men, det er hans bensin:-)

[Discus]

Flott rapport, og du har fått med det vesentlige så savnet etter bilder ikke ble så veldig stort

[posthuman]

Flott rapport. Kom akkurat selv hjem etter 2 ukers jul- og nyttår på Railay Bay Resort & Spa.