Mikrofly havarerte under take-off i Førde

[Trdfly]

Eit mikrofly havarerte like etter avgang på Førde lufthamn Bringeland. Ingen personar skal vere skadde.


FOTO: EIRIK HILDAL / NRK

– Det er eit mikrofly som har havarert under avgang. Det er ingen personskade, men flyet stengjer for augneblinken rullebana, sa lufthamnsjef Kjell Otto Gjesdal til NRK like etter ulukka.

To personar var i flyet då ulukka skjedde, men begge kom uskadde frå det. Gjesdal veit ikkje akkurat kva som skjedde då flyet havarerte, men fortel at det skal vere ein del skade på flyet.

Klokka 19.50 fortel Gjesdal at politiet har frigjeve flyet og at dei ventar på kranebil som skal fjerne det frå rullebana. Kring 40 minutt seinare er flyet fjerna frå rullebana og det er venta at den vidare flytrafikken vil gå som normalt.

http://www.nrk.no/sognogfjordane/mik...ang-1.12534283